Davlatimiz rahbarining dunyodagi zamonaviy o‘quv dasturlari, o‘qitish metodikalarini o‘rganib, yurtimiz umumta’lim maktablarida joriy qilish bo‘yicha olg‘a surgan tashabbuslari doirasida viloyatimizdagi18 maktab qatori Qo‘qon shahridagi 6-davlat umumiy o‘rta ta’lim maktabida, sinov tariqasida Yapon ta’lim tajribasi joriy etilmoqda. O‘quvchilarda erkin va kreativ fikrlashni shakllantirish bosh g‘oyasi bo‘lgan Yaponiya ta’lim tizimi, yuqori bilim berish bilan birga, tozalikka rioya qilishni va sog‘lom turmush tarzini bolalikdan o‘rgatish, o‘quvchilarni yoshlikdan kasbiy ta’limga yo‘naltirish, mehnat ko‘nikmalarini shakllantirish kabi jihatlarni ham o‘z ichiga olgani bilan e’tiborlidir. Yaponiya Xalqaro Hamkorlik Agentligi mutasaddilari Qo‘qon shahar hokimi hamrohligida maktabda tahsil olayotgan o‘quvchilar, ularga bilim berayotgan muallimlar bilan muloqotda bo‘ldilar. Maktab rahbariyati bilan bo‘lib o‘tgan suhbat chog‘ida Yaponiya Xalqaro Hamkorlik Agentligi bilan o‘zaro hamkorlik aloqalarini yana-da musthkamlash va rivojlantirib borishga kelishib olindi.